Nuragus est una biddixedda d'e su Sarcidanu, posta a caladroxa d'e sa Jara; est s'antiga cittadi romana de Valentia o Balença (campusantu accanta de sa bidda). Su diciu narat destruida d'e sa pestilenzia e d'e is invasionis de is ominis d'e sa "Barbagia". S'economia de Nuragus est sa pastoritzia e sa masseria, est de custas traditzionis nascidi su costumu nuraghesu. Is pannus po fai custu costumu funti: su cotoni, su pannu, s'obrasci e su linu; su cotoni e su pannu beniant importausu, s'obrasci e su linu benianta traballausu e colorausu d'e sa popolatzione nuraghesa.

 

- Berrita a duus fundus -
In pannu o obrasci, chi beniat pinnigada in conca, in diversas maneras,
segundu s'arricchesa de su meri. Asuba d'e sa berrita beniat postu unu
muncadori, piegau a triangulu nau "TRUBANTI".
- Sa Camisa -
In tela de cotoni o linu tottu plisettada e ricamada, serrada cun
buttonis de oru e de prata.
- Su Cropettu -
In velludu, obrasci o pannu nieddu cun busciaccas lateralis scollau
innantis, a doppiu pettus e serrau a fiancu cun buttonis de prata
filegranada o cun soddus antigus fattus a buttoni.
- Is Cratzonis de arroda -
In obrasci o pannu nieddu, funti fattusu a piegas chi torranta a centru,
siat sa parti de a innantis che sa parti de pala cun sancotta chi tenit beni
is piegas.
-Is Cratzonis de tela -
In tela de cotoni linu meda largusu chi benint postus a intru d'e is cratzas.
- Is Cratzas -
In obrasci o pannu nieddu cun giradura in velludu ornau asutta d'e su
genugu, cun striscia de velludu asutta d'e su pei
- Sa Brentera -
Est fatta de peddi lada innantis cun duas busciaccas e strinta a palas,
posta tra su cropettu e is cratzonis de arroda.

  

 

- Muncadori'e conca -
Est fattu de seda cun fundu d'arrasu tottu floriggiau.
- Muncadori mannu-
In tela de cotoni cun fundu marron floriggiau.
- Su Sciallu -
Postu in s'jerru, in cotoni o in seda tottu floriggiau et ricamau. Si poniada
piegau tott'a tundu d'e sa facci.
- Sa Camisa -
In tela de cotoni o linu, est una camisa larga, tottu ricamada e traballada
a'uncinettu a innantis, serrada in pettus cun buttonis d'oru e de prata.
- Palixeddas o Cropettu -
Si poniad'asuba d'e sa camisa cun ganciu de ferru cun d'unu cordoneddu,
tessiu in broccau de seda o drappu de seda de is Indias e cotoni traballau
coperrinti sa basi. Is colores funti usausu cun arrosas e s'arrubiu cun disegnus.
a froris.
- Sa Unnedda -
Fatta in medas tipus de arroba, a forma de cilindru, est longa fintzas a peis,
una est in seda foloringiada meda larga in rasu biancu, et una prus fini in rasu
viola cun duas fittas de velludu, s'atra in arroba niedda cun disegnus a froris
a coloris de oru cun fittas de velludu. Sa unnedda est tottu plissettada, is
plissettaduras funti simmetricas in sa parti centrali de ainnantis e a palas,
in fundu dui funti duas fittas parallelas in velludu de seda.
- Su Deventali -
In seda cun busciaccas attaccadas, chi coberridi sa unnedda, s'atru in
arroba niedda cun disegnus a froris ricamaus a manu.